L-Iskema tal-Ispiżerija tal-Għażla Tiegħek (POYC) ġiet imnedija biex iġġib servizz tas-saħħa ċentrali eqreb lejn il-pazjent. Permezz tal-Iskema, il-pazjenti jiġbru farmaċewtiċi li huma pprovduti mingħajr ħlas mill-Istat minn spiżerija komunitarja tal-għażla tagħhom minn ġewwa l-lokalità tagħhom. Permezz tal-Iskema POYC il-pazjenti jirċievu wkoll servizz fil-pront u personalizzat mill-ispiżjar tar-raħal tagħhom fir-rigward ta’ informazzjoni medika, pariri u kunsinna.

L-istaff kollu tal-POYC huwa konxju u jsostni l-aqwa standards etiċi fir-rigward tal-kura ċċentrata fuq il-pazjent. Il-kunfidenzjalità hija rispettata, b’rispett sħiħ għal-liġijiet u r-regolamenti dwar il-Protezzjoni tad-Data u r-Regolament Ġenerali tal-UE dwar il-Protezzjoni tad-Data. Ikklikkja hawn għall-Politika dwar il-Protezzjoni tad-Data. Min-naħa tagħha, il-POYC tistenna wkoll li l-partijiet interessati tagħha juru standards etiċi għoljin bl-istess mod.

• POYC hija impenjata li tagħti servizz ġust u ekwu lill-klijenti u l-partijiet interessati kollha tagħha. Il-POYC hija konxja ħafna tal-livell għoli ta’ servizz mistenni minnha u kull membru tal-persunal jistinka biex jilħaq dawn l-aspettattivi.
• It-Taqsima tal-Ispiżerija tal-Għażla Tiegħek hija Distributur bl-Ingrossa ċċertifikat bis-sħiħ u timpjega Sistema ta’ Ġestjoni tal-Kwalità biex tiżgura l-aħjar livell ta’ servizz possibbli.

Il-partijiet interessati jistgħu jiddependu fuq il-POYC biex twettaq l-impenji tagħha u tipprovdi servizz olistiku f’waqtha filwaqt li tieħu deċiżjonijiet kummerċjali responsabbli li jwasslu għal futur sostenibbli.

• It-Taqsima tikkontribwixxi għall-komunità u skont il-politika tal-Gvern tfittex kontinwament inizjattivi biex ittejjeb l-ambjent.

L-Unità tirriċikla kontenituri tal-plastik mormija mill-taqsima tagħha tal-ippakkjar mill-ġdid. Inizjalment, l-ammonti kienu negliġibbli u l-ġbir tal-plastik sar kull tliet/erba’ ġimgħat. Eventwalment, il-volum żdied u bdew ukoll jiġbru l-kaxxi tal-kartun li ġew bil-konsenji tal-istokk tagħha. Illum, il-volumi splodew u issa jinsabu fuq il-mappa ta’ WASTESERV Malta Ltd bħala kontributuri ta’ kull ġimgħa.