Il-marda tas-Coeliac hija waħda mill-kundizzjonijiet kroniċi inklużi fl-Att dwar is-Sigurtà Soċjali Kap 318 Artikolu 23 u l-Ħames Skeda tal-istess Att. Pazjenti li jbatu mill-Marda tas-Celiac jistgħu japplikaw biex jirċievu vawċers għal ikel mingħajr glutina.
L-applikazzjoni ssir permezz ta’ Konsulenti Gastroenterologi, Konsulenti Pedjatri jew Kirurgi Konsulenti skond il-formularju tal-Gvern u l-Protokoll rispettiv. Imbagħad jinħareġ dokument tal-Iskeda V flimkien ma’ permess li bih pazjenti coeliac ikunu intitolati għal vawċer monetarju ta’ kull xahar.
Vawċer: Pazjenti minn 60 sena ‘l fuq u dawk li jirċievu benefiċċji soċjali se jirċievu vawċer ta’ €70 kull xahar filwaqt li l-bqija tal-pazjenti se jirċievu €65 kull xahar.
Ikklikkja hawn għal-lista uffiċjali ta’ operaturi ekonomiċi privati li bħalissa qed jipparteċipaw fl-Iskema madwar Malta u Għawdex li joffru prodotti mingħajr glutina.
Lista ta’ Operaturi Parteċipanti fl-Iskema u lista ta’ Prodotti Ħieles Glutina