L‑Iskema Nazzjonali tas‑Coeliac
Il‑kundizzjoni magħrufa bħala Coeliac, tirreferi għal meta individwi ma jistgħux jittolleraw il‑glutina, li hija proteina li tinsab fil‑qamħ, ix‑xgħir u s‑segala.
Din il‑kundizzjoni hija elenkata fil‑Ħames Skeda tal‑Att dwar is‑Sigurtà Soċjali (Kap. 318) u tikkwalifika għall-għajnuna medika mill‑Gvern. Permezz tal‑Iskema Nazzjonali tas‑Coeliac, pazjenti eliġibbli jistgħu japplikaw mal‑POYC biex jirċievu benefiċċju ta’ kull xahar sabiex jgħinhom ikopru l‑ispiża addizzjonali ta’ prodotti tal‑ikel mingħajr glutina.
L‑applikazzjonijiet għandhom jiġu sottomessi skont il‑Formularju tal‑Gvern u l‑protokol applikabbli permezz ta’ Konsulent Gastroenterologu, Konsulent Pedjatra jew Konsulent Kirurgu. Ladarba l‑eliġibbiltà tiġi approvata, il‑pazjenti jiġu kkuntattjati mis‑sezzjoni Finanzjarja tal‑POYC sabiex jipprovdu d‑dettalji bankarji tagħhom u jibdew jirċievu l‑benefiċċju.
Pazjenti minn 60 sena l-fuq, kif ukoll dawk li jirċievu benefiċċji soċjali, huma intitolati għall-benefiċċju ta’ € 90 fix‑xahar. Il‑pazjenti eliġibbli l‑oħrajn kollha jirċievu € 85 fix‑xahar.
Pazjenti li jeħtieġu assistenza rigward il‑benefiċċju ta’ kull xahar, jistgħu jikkuntattjaw lill‑POYC kif ġej:
☎ (+356) 2248 1841